Mchezaji mstaafu wa soka wa Uingereza, David Beckham, na mwanae, Brooklyn walihusika kwenye ajali nje ya uwanja wa mafunzo wa Arsenal, ulioko Hertfordshire, Kaskazini mwa mji wa London.
Hata hivyo, hawakupata majeraha bali mshtuko wa kawaida kutokana na ajali hiyo ambayo waligongana na gari nyingine. Habari hizo zilipatikana kutoka kwenye chanzo cha karibu kabisa na familia hiyo. “David na mwanaye Brooklyn hawakupata majeraha kwenye ajali hiyo na ninachojua hata abiria waliohusika kwenye gari nyingine nayo hawakupata majeraha. Lakini wote wanaendelea vizuri,” alisema mtu huyo ambaye hakutaja jina lake litajwe.
Gazeti la Telegraph la Uingereza kwamba mchezaji huyo wa miaka 39 aliyewahi kuwa nahodha wa Uingereza, alikuwa anakwenda uwanjani hapo kumchukua kijana wake mwenye miaka 15 anayechezea timu ya Arsenal ya vijana wenye umri chini ya miaka 16.
Chanzo kingine cha habari kiliongeza kuwa baada ya ajali hiyo kutokea mifuko ya hewa (Airbag) ilifunguka vizuri hivyo kuwasaidia kutopata majeraha yoyote.
