Majambazi waliokuwa na silaha usiku wa kuamkia leo yamevamia nyumbani kwa Alikiba na kupora mali mbalimbali.
Kwa mujibu wa mdogo wake, Abdu Kiba, majambazi hao waliokuwa zaidi ya
15 waliivamia nyumba wanayoishi pamoja na Ali iliyopo Kunduchi jijini
Dar es Salaam mida ya saa tisa za usiku.
Abdu amedai kuwa wakati wa tukio hilo hakuwepo nyumbani na alipigiwa
simu na kaka yake akimuomba msaada kwa kudai kuwa nyumba yake imevamiwa.
Kutokana na simu hiyo, Abdu alirejea nyumbani haraka na bahati nzuri
wakati akielekea nyumbani alikutana na gari la polisi alilolipa taarifa
aliyopokea kutoka kwa kaka yake na kuongozana nao.
Abdu anadai majambazi hao waliokuwa wamebeba silaha mbalimbali
zikiwemo mapanga na visu, yalivunja milango ya nyumba hiyo na kupora
mali mbalimbali za thamani na kuwajeruhi baadhi ya ndugu zake wanaoishi
hapo.
Pia yanadaiwa kumpiga na kumtesa mlinzi wa nyumba hiyo yakimtaka ayapeleke kwenye chumba anacholala Alikiba.
Hata hivyo hayakuweza kumpata Alikiba kwakuwa yaliyoeshwa kwenye
chumba cha Alikiba ambaye muda huo hakuwemo. Alikiba alikuwemo ndani ya
nyumba hiyo lakini kwenye chumba kingine.
Majambazi hao walifanikiwa kuiba vitu mbalimbali ikiwa ni pamoja na
pesa taslimu shilingi milioni mbili na nusu. Picha zilizochukuliwa baada
ya tukio hilo zinaonesha milango kadhaa ya nyumba hiyo ikiwa imevunjwa
na uharibifu mkubwa unaonekana kufanywa.
Abdul Kiba amepost picha Instagram na kuandika: Tunamshukuru M/mungu tupo salama.รข€
